Beermen, Gin Kings magyinarukay sa Araneta

YAROK: Si Marcio Lassiter (13) maoy usa sa nahabiling pipila ka mga haligi sa San Miguel Beermen, nga makig­yinarukay sa Brgy. Ginebra Gin Kings sa main game ning Biyernes, Disyembre 15, 2023, sa PBA Commissioner’s Cup. 
/ PBA.PH
YAROK: Si Marcio Lassiter (13) maoy usa sa nahabiling pipila ka mga haligi sa San Miguel Beermen, nga makig­yinarukay sa Brgy. Ginebra Gin Kings sa main game ning Biyernes, Disyembre 15, 2023, sa PBA Commissioner’s Cup. / PBA.PH
Summary

Mga duwa karon:

4:00 pm- Blackwater

batok Talk N’ Text

8:00 pm- San Miguel

batok Ginebra

Magyinarukay ang defending champions Brgy. Ginebra Gin Kings ug San Miguel Beermen sa gikahinaman nilang engkuwentro sa main game ning Biyernes sa gabii, Disyembre 15, 2023, sa Philippine Basketball Association (PBA) Season 48 sa Smart Araneta Coliseum.

Ang Gin Kings ni coach Tim Cone gikan sa impresibong kadaugan batok sa Phoenix Super LPG Fuel Masters, 82-77, sa usa ka out-of-town game niadtong Sabado, Disyembre 9, 2023, sa San Jose, Batangas.

Ang maong kadaugan maoy nagpasaka sa rekord sa Gin Kings ngadto sa 4-2.

Sa ilang bahin, ang Beermen ni coach Jorge Gallent gikan sa duha ka sunodsunod nga kapildihan batok sa NorthPort Batang Pier, 115-101, ug league-leader Magnolia Hotshots, 94-90.

Tungod niini, nahagsa ang Beermen sa 3-3 nga rekord.

Dili ikalimod nga naglisod ang Beermen gumikan kay wala ang ilang mga sinaligan nga sila si June Mar Fajardo, Terrence Romeo, Vic Manuel ug Jeron Teng, nga pulos nagpaalim sa ilang tagsa-tagsa ka angol.

Hinuon, dili basta-basta moisa sa ilang puti nga bandera ang Beermen, nga mosandig og maayo nila ni import Ivan Aska, CJ Perez, Moala Tautuaa, Marcio Lassiter ug Chris Ross.

Kinahanglang mokayod og maayo ang nangahisgutan batok sa Gin Kings, nga aduna ra’y gamay nga haw-ang sa ilang puwersa.

Sa premirong duwa, magsangka ang Talk N’ Text Tropang Giga ug ang nagsalimoang nga Blackwater Bossing.

Ang Tropang Giga naggunit og 3-3 nga rekord samtang ang Bossing adunay 1-6 nga baraha.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph