Beermen gipakgang sa Bolts

Beermen gipakgang sa Bolts
Basketball (File Photo)

Gisanta sa Meralco Bolts ang kabangis sa San Miguel Beermen pinaagi sa 95-92 nga kadaugan sa ilang out-of-town game sa Philippine Basketball Association (PBA) Season 48 Philippine Cup sa Batangas City Coliseum niadtong Sabado sa gabii, Mayo 4, 2024.

Gawas nga nahatag sa Bolts ang bugtong pilde sa Beermen sa elimination round, nakakuha sab sila og seguradong puwesto sa quarter-finals ning maong kadaugan.

Ang Bolts ninghuman sa ilang mga tahas sa elimination round dala ang 6-5 nga rekord samtang ang Beermen adunay 10-1 nga baraha.

Gipangulohan ni Allein Maliksi ang Bolts pinaagi sa iyang 19 puntos, niamot og 17 puntos si Chris Newsome samtang nihatag og 12 puntos si Bong Quinto.

Ang Beermen gipangulohan ni June Mar Fajardo pinaagi sa iyang 23 puntos ug 19 ka rebounds samtang ningtampo og 14 puntos matag usa sila si Jericho Cruz ug Don Trollano.

Sa no-bearing game sa Ynares Sports Arena sa Pasig City, gipangmakmak sa Blackwater Bossing ang Phoenix Super LPG Fuel Masters, 102-83.

Ang Bossing nanamilit dala ang 4-7 nga rekord samtang 3-8 ang kartada sa Fuel Masters. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph