Midominar ang San Miguel Beermen batok Terrafirma Dyip, 128-89, sa Philippine Basketball Association (PBA) Season 49 Philippine Cup didto sa Ynares Center II sa Montalban, Domingo sa gabie, Mayo 18, 2025.
Si Rodney Brondial ang nagtimon sa San Miguel pinaagi sa iyang double-double nga 16 puntos ug 22 rebounds, samtang ang bigman ng si June Mar Fajardo miamot og 12 puntos, 12 rebounds ug upat ka asissts.
Si CJ Perez ug Mo Tautuaa ang nag-una sa scoring para sa Beermen sa ilang 17 puntos matag-usa.
Gikuptan sa San Miguel ang duwa sa ikatulong quarter, nga nakascore og 42 puntos kontra sa 22 puntos sa Terrafirma, nga nagtugot kanila sa paghimo og dako nga kalabangan nga lisod na makab-ot sa Dyip. Ang kadaugan nagpaayo sa rekord sa Beermen ngadto sa 5-2, nga nagbutang kanila sa ikatulong pwesto sa standings.
Ang Terrafirma, nga karon adunay 1-7 nga rekord, nagpadayon sa paglisod karon nga conference
Si rookie guard Mark Nonoy ang nag-una sa scoring para sa Dyip uban ang 24 puntos, samtang si Louie Sangalang nagdugang og 10 puntos, 14 rebounds, ug unom ka assists. Ang mga turnovers ug offensive inconsistencies maoy mipahagsa sa Dyip.
Puntos matag-usa:
San Miguel (128) – Perez 17, Tautuaa 17, Brondial 16, Tiongson 13, Fajardo 12, Trollano 12, Cruz 11, Calma 8, Teng 8, Rosales 7, Lassiter 4, Cahilig 3, Ross 0.
Terrafirma (89) – Nonoy 24, Pringle 17, Sangalang 10, Zaldivar 9, Catapusan 7, Paraiso 7, Ramos 5, Melecio 5, Olivario 3, Ferrer 2, Hanapi 0, Hernandez 0. / RSC