Mga duwa karon:
5:00 pm- NorthPort batok Rain or Shine
7:30 pm- Magnolia batok San Miguel
Ilugan sa San Miguel Beermen ug Magnolia Chicken Timplados Hotshots ang solong liderato sa ilang panagsangka sa main game karong Miyerkules sa gabii, Abril 16, 2025, sa Philippine Basketball Association (PBA) Season 49 Philippine Cup sa Ninoy Aquino Stadium.
Ang Beermen ug Hotshots kasamtangang nagbahin sa liderato human nila gipangdispatsar ang nag-una nilang duha ka mga kontra.
Gisugdan sa Beermen ang ilang kampanya pinaagi sa paghubog sa NLEX Road Warriors, 98-89, unya gisundan kini nila og laing dako nga daog batok sa defending champions Meralco Bolts, 110-98.
Sa ilang bahin, ang Hotshots nagmangtas sa premiro nilang tahas diin ilang gipangbiktima ang Blackwater Bossing, 106-84, ug gisundan kini nila og 83-71 nga daog batok sa Converge FiberXers.
Sa premirong duwa, magsangka ang NorthPort Batang Pier ug Rain or Shine Elasto Painters.
Ang Batang Pier adunay 1-0 nga rekord samtang ang Elasto Painters naggunit og 0-1 nga baraha. / ESL