Nakaseguro na’g luna sa quarter-finals ang defending champions Bgry. Ginebra Gin Kings ug San Miguel Beermen human nila gipanghubog ang ilang tagsa-tagsa ka kontra niadtong Lunes, adlaw sa Pasko, Disyembre 25, 2023, sa Philippine Basketball Association (PBA) Commissioner’s Cup sa Araneta Coliseum.
Ang Gin Kings ningbuntog sa TNT Tropang Giga, 86-78, samtang gipangkuso-kuso sa Beermen ang Phoenix Super LPG Fuel Masters, 117-96.
Ang Gin Kings ug Beermen pareho’ng ningsaka sa 6-3 nga rekord, ang Fuel Masters nidakin-as sa 7-3 nga rekord samtang ang Tropang Giga nahagbong sa 4-5 nga baraha.
Si Scottie Thompson, kinsa nisagubang sa iyang ikaduha pa lang nga duwa sukad sa iyang pagbalik gikan sa pagkaangol, nipabuto og krusyal nga duha ka sunodsunod nga mga three-point bomb aron hatagan ang Gin Kings og 79-76 nga labaw sa hinapos nga bahin.
Mao na kini ang nakaabli sa pultahan sa Gin Kings paingon sa kadaugan.
Sa laing duwa, ninglugnot ang Beermen gikan sa sikit nga kombati sa nag-unang tulo ka quarters pinaagi sa pagdominar sa Fuel Masters sa hinakutay og puntos sa 4th quarter.
Puntos matag usa:
1st game:
Ginebra 86 - Standhardinger 22, Bishop 15, Thompson 12, J. Aguilar 11, Ahanmisi 11, Malonzo 7, Pringle 6, Tenorio 2
TNT 78 - Oftana 27, Ponferrada 14, Khobuntin 13, K.Williams 7, Aurin 6, Montalbo 5, Galinato 4, Ganuelas-Rosser 2, Cruz 0, Tolomia 0, Reyes 0.
2nd game
San Miguel (117) - Boatwright 26, Romeo 22, Perez 20, Cruz 15, Trollano 12, Brondial 8, Lassiter 6, Tautuaa 4, Ross 2, Mallilin 2.
Phoenix (96) - Williams 37, Jazul 14, Manganti 11, Mocon 10, Tio 6, Rivero 5, Garcia 4, Alejandro 4, Muyang 3, Tuffin 2.