Nagpakita sa iyang kusog ang Sugbuanong bigman nga si June Mar Fajardo ug nakuha sa San Miguel Beermen ang unang luna sa semifinals sa Philippine Basketball Association (PBA) Philippine Cup.
Si Fajardo nipupo og 23 puntos ug 15 rebounds aron dalhon ang San Miguel Beer ngadto sa 108-97 nga kadaugan batok sa PH Cup champion Meralco Bolts sa quarterfinals niadtong Biyernes sa gabii, Hunyo 20, 2025, sa Ninoy Aquino Stadium.
Nitabang pud sa Beermen bigman sila si Don Trollano, Juami Tiongson, ug Rodney Brondial sa lig-ong depensa ug opensa nga nagpalig-on sa pagdominar sa Beermen kontra sa No.8 seed Bolts.
Para ni coach Leo Austria, ang pagbalik sa Final Four usa ka paagi aron makabawi sa ilang kapildihan batok sa Meralco sa finals sa miaging all-Filipino conference, ug sa ilang kapakyas pagsulod sa quarterfinals sa miaging Commissioner’s Cup.
"It's all about pride. In the last championship in the all-Filipino Meralco beat us and we redeemed ourselves from that loss. Last conference we did not even get to the quarterfinals now we're in the semifinals," matod ni Austria.
"I think it's a big achievement, but we've prepared for this conference to get all the way through to the finals and eventually win the championship," dugang niya.
"But it's a long shot because the next opponent could be either Converge or Ginebra and we know how strong both those teams are."
Si Tiongson ug Trollano nakahimo og 19 puntos matag-usa, si CJ Perez miamot og 14 puntos ug game-high 8 assists, samtang si Brondial nakahimo og 13 puntos ug 12 rebounds, ug si Mo Tautuaa niamot og 10 puntos ug 11 rebounds para sa Beermen.
Si Chris Banchero nipupo og 32 puntos ug si Chris Newsome nihatag og 23 puntos, 11 rebounds, ug 6 assists para sa pildirong Bolts.
Ikaatbang sa Beermen ang ilang sister team nga Ginebra Gin Kings sa semifinals human gipildi sa uwahi ang Converge FiberXers, 88-80, sa lahi nga quarterfinals matchup.
Si Japeth Aguilar nakahimo og double-double nga 19 puntos ug 13 rebounds, ug miabag si RJ Abarrientos og 21 puntos gikan sa bench para sa fan-favorite Gin Kings.
Puntos matag-usa:
First Game
San Miguel (108) - Fajardo 23, Trollano 19, Tiongson 19, Perez 14, Brondial 13, Tauatuaa 10, Cruz 5, Lassiter 3.
Meralco (97) - Banchero 32, Newsome 23, Torres 13, Quinto 6, Almazan 6, Hodge 5, Bates 4, Cansino 4, Jose 4.
Second Game:
Ginebra (88) - Abarrientos 21, J. Aguilar 19, Malonzo 14, Holt 13, Rosario 10, Pinto 5, Thompson 3, Ahanmisi 3.
Converge (80) - Arana 15, Baltazar 13, Stockton 12, Winston 10, Garcia 8, Racal 8, Caralipio 6, Corpuz 4, Delos Santos 2, R. Santos 2. / RSC