Mga duwa karon
5 P.M Brgy Ginebra Gin Kings batok San Miguel Beermen
7:30 P.M Rain or Shine Elasto Painters batok TNT Tropang Giga
Dili lalim isirado ang serye sa professional nga sports, ug mas lisod kung kontra nimo ang Barangay Ginebra nga nailhan sa ilang “Never-Say-Die” spirit ug baga nga suporto sa crowd.
Mao nga nagtuo gyud si San Miguel Beermen head coach Leao Austria nga kinahanglan nila ang tanan nga pwersa aron matapos nila ang series karong Dominggo, Hulyo 6, 2025, sa Game 6 sa Philippine Basketball Association (PBA) Philippine Cup semifinals.
Magtigi ang Beermen ug Gin Kings alas 5 sa hapon, kini human gipukan sa Beermen ang uwahi niadtong Biyernes, 103-92, para makuha ang 3-2 series lead.
Sa Game 5, nagpabuto si Jericho Cruz og 27 puntos lakip na niini ang 3-of-4 shooting sa tres.
“Game 5 was pivotal, malaki ang tsansa to get to the series kung sino ang makakuha nito. But we still have a lot of work to do especially ang kalaban natin eh ‘Never Say Die,’” matod pa ni Austria.
Tumong sa Beermen makabalik sa finals ug makuha ang ilang unang All-Filipino nga korona sukad 2022.
Apan dili sad mopadaplin ang Ginebra nga nagtinguha mopugos og Game 7.
Sigun ni Ginebra coach Tim Cone nga paningkamotan nila nga mas molig-on ang ilang ipakita nga duwa karong Dominggo para mainat ang series ngadto sa Game 7.
“We'll regrouped, we'll practice, and see if we could come up with a big performance (on Sunday),” sigun ni Cone.
“Still haven't had a good shooting night this whole series, we have not shot well,” dugang sa Ginebra coach. “Hoping that would come around at some point, maybe on Sunday. So let's see,” dugang pa niya.
Dugang ni Cone nga di pa uwahi kay kinahanglan modaog og upat ka duwa para masirado ang best-of-seven series.
“The old clich?, it takes four to win, it doesn't take three,” sulti ni Cone. “It's not a five-game series, it's a seven-game series.”
Puntos matag usa sa Game 5:
San Miguel (103) - Perez 31, Cruz 27, Fajardo 14, Trollano 11, Tiongson 6, Teng 4, Tautuaa 3, Lassiter 3, Brondial 2, Rosales 2.
Ginebra (92) - Ahanmisi 19, Thompson 14, Malonzo 13, J.Aguilar 12, Rosario 11, Holt 10, David 7, Abarrientos 6. / RSC