Mosuway pagkuha ang San Miguel Beermen sa ilang ikatulong daog batok TNT Tropang 5G sa Game 4 sa Philippine Basketball Association (PBA) Philippine Cup Finals karong Dominggo, Hulyo 20, didto sa SM Mall of Asia Arena.
Ang Beermen naglabaw sa series, 2-1, human nila gipalungan sa signal ang Tropang 5G niadtong Biyernes sa gabie, 108-88, sa Smart Araneta Coliseum.
Gigamit sa Beermen ang ilang bentaha sa size pinaagi kang June Mar Fajardo nga mipupo og 33 puntos ug 11 rebounds, samtang upat ka teammates ang mitabang pinaagi sa double-digit outputs.
Si Chris Ross niamot og 15 puntos, lakip na ang dagger nga tres nga maoy miselyo sa kadaogan sa Beermen sa Game 3.
Nitunol si Jericho Cruz og 13 puntos, si CJ Perez nihatag og 12, samtang si Don Trollano niamot og 10 puntos para sa Beermen.
Puntos matag-usa sa Game 3:
San Miguel (108) - Fajardo 33, Ross 15, Cruz 13, Perez 12, Trollano 10, Tautuaa 9, Lassiter 6, Brondial 6, Rosales 2, Teng 2.
TNT (88) - Pogoy 16, Offtana 15, Vosotros 14, Khobuntin 13, Williams 11, Heading 10, Ganuelas-Rosser 3, Enciso 3, Galinato 3. / RSC