Malipay ang mga Sugbuanon nga "Liwanag" o ang fans sa OPM band nga Ben&Ben tungod kay sugdan sa maong banda ang ilahang "The Traveller Across Dimensions World Tour" sa Dakbayan sa Sugbo karong Sabado, Mayo 24, 2025.
Ang one-night only concert sa sikat nga folk-pop band Ben&Ben ipahigayon sa Waterfront Cebu City Hotel & Casino.
Unang i-perform sa banda ang nagkadaiyang performances nila sa ilang global album tour diin gikatakda sab sila nga mobisita sa Bacolod, Davao, Lincoln sa California karong tuiga. Daghan pa'ng mga petsa ug lokasyon ang gikatakda nila nga ianunsiyo.
"We are excited to bring the songs from The Traveller Across Dimensions to Cebu. Listening to the sings live and seeing the accompanying visuals on stage will make the story behind the album truly come alive.
"We would love for our Liwanag community in Cebu City and its neighboring areas to experience this firsthand," matod sa Ben&Ben.
Matod ni Miguel Benjamin, usa sa mga main vocalists sa banda nga bag-o ang concept sa ilahang concert tungod na sab sa visual narrative ug animation sa ilang pagsaysay sa estorya ni "Liwanag" ang karakter sa maong album.
"The concept album follows the story of Liwanag, the Traveller, as she journeys through three Dimensions: Light depicting innocence; Energy, depicting struggle; and Feel, depicting maturity," sa pagpasabot sa maong banda sa ilang album nga gi-release pa niadtong Nobiyembre 29, 2024.
Anaa'y 12 ka mga kanta ang album apan mo-perform gihapon sila sa ilang sikat nga karaang kanta.
Lakip ang latest single nila nga "Saranggola" nga ilang kantahon nga gihulagway nila nga ilang "most favorite" sa tanan nila'ng nasuwat sa nakalabay nga walo ka tuig isip usa ka banda ug mga managhigala. Mapalit ang tickets sa SM Tickets ug anaa sa P1,000 ngadto sa P6,500 ang presyo niini. / HBL