Midaog si Artur Beterbiev batok kang Dmitry Bivol pinaagi sa majority decision ug nahimong unang undisputed light heavyweight world champion sa four-belt era kagahapon, Oktubre 13 (PH time), didto sa Kingdom Arena, Riyadh, Saudi Arabia.
Mipabor kang Beterbiev mao sila si judges Glenn Feldman (115-113) ug Pawel Karyni (116-112). Samtang si judge Manuel Palomo miiskor og draw (114-114).
Nakuha ni Beterbiev ang World Boxing Association (WBA) nga bakos sa iyang kontra ug gidugang sa iyang World Boxing Council (WBC) World Boxing Organization (WBO) ug International Boxing Federation (IBF).
Gipatilaw ni Beterbiev (21-0, 20KOs) sa iyang unang pilde sa professional boxing si Bivol (23-1,12 KOs). / RSC