Napili ang usa sa nag-una ug beteranong mga referee sa kalibutan nga si Thomas Taylor nga maoy mo-officiate sa panagharong nila ni Filipino boxing legend Manny Pacquiao ug World Boxing Council (WBC) welterweight champion Mario Barrios karong Hulyo 19, 2025, sa MGM Grand Garden sa Las Vegas, USA.
Kini maoy ikatulong higayon nga mo-officiate ang si Taylor sa away nga adunay kalambigitan ni Barrios, kinsa modepensa sa iyang bakus sa ikaduhang higayon.
Si Pacquiao, kinsa gipahiluna sa International Boxing Hall of Fame sa sayong bahin ning buwan sa Hunyo, mobalik og away sa labing unang higayon human sa dul-an upat ka mga tuig niyang pagretiro.
Naggunit si Pacquiao og 62-8-2, 39 KOs nga rekord samgtang si Barrios adunay 29-2-1, 18 KOs nga baraha./ ESL