Ang 12-ka tuig nga beterano nga si Patrick Beverley mipahipabo nga mogawas kini gikan sa retirement og abli kini nga kuhaon og bisan kinsa nga team sa National Basketball Association (NBA).
Sa edad nga 36-anyos gibutyag ni Beverley nga makatabang pa siya mo guide sa mga bagito sa team nga iyang sudlan.
Nakaduwa si Beverly sa Rockets, Clippers, Timberwolves, 76ers, Lakers, Bucks, ug Bulls.
Sa iyang podcast, gipahibalo ni Beverley nga magapaningkamot siya nga magbalik sa NBA.
Sa 2023-24 nga season, si Beverley nagdula sa 76ers ug Bucks.
Sa maong season, nag-average siya og 20 minutos kada duwa, nga nakakuha og 6.2 puntos sa matag duwa.
Nagsugod siya sa iyang NBA career sa lima ka season uban sa Rockets, dayon lima ka season sa Clippers. Naka-usa ka tuig ug tunga sa Lakers ug nakadula og tunga nga season sa Bulls antes sa iyang pagkahuman sa 2023-24 nga season. / RSC