Nihangyo ang Bureau of Fire Protection (BFP) sa Dakbayan sa Mandaue ngadto sa konseho aron tugtan ang road reblocking ug widening projects, ilabi na sa mga piot kaayong kadalanan ug limitado ang agianan.
Ang hangyo gitumong aron maseguro nga makaagi dayon ang sakyanan sa kabomberuhan ilabi na kon motubag og alarma sa sunog.
Matod sa BFP, nga ang gagmayng dalan nagpabilin nga maoy dakong hagit sa ilang operasyon tungod kay maglisod gyud pagsud ang mga fire truck ilabi na og suot-suot ang kabalayan kon dunay sunog.
Si BFP-Mandaue Chief, Arnel Abella niatubang sa regular session sa konseho ug gituki ang bag-o lang nahitabong sunog sa siyudad ug nitataw nga gikinahanglan na kaayo ang infrastructure improvements.
Sa buwan sa Marso nga mao ang Fire Prevention Month, ang Mandaue City nakatala og pito ka sunog karong tuiga nga dunay danyos nga P5 ka million.
Kini dunay pag-usbaw kon itandi sa miaging tuig nga duna lay P1 million nga danyos sa unom ka sun og nga natala. / CAV