Nakahimo og kasaysayan ang bilyarista nga si Carlo Biado human niya nadaog ang World Pool Championships batok kang Fedor Gorst, 15-13, sa kulbahinam nga finals didto sa Jeddah, Saudi Arabia, Hulyo 27, 2025 (PH time).
Si Biado ang unang Filipino nga two-time winner sa 9-Ball World Pool Championship. Siya pud ang kampiyon sa tuig 2017.
Nagpakita sa iyang kalma nga duwa si Biado para makuha ang titulo og ang $250,000 (P14.29 million) nga premyo ug mausab ang iyang daog walo ka tuig na ang milabay didto sa Doha, Qatar.
“I’m over the moon—I still can’t believe I’m a two-time World Champion. It means everything to me. I’m so proud to bring this trophy home to the Philippines,” matod ni Biado.
Ang 41-anyos nga si Biado nakasulod sa championship match human gipildi sa 20-anyos nga si Bernie Regalario, 11-3, sa all-Filipino nga semifinals.
Si Biado naglabaw 9-2 apan giapas kini ni Gorst og natabla ang duwa, 9-all. Nibalos si Biado og nakuha ang 13-9 nga labaw, apan nakabangon gihapon si Gorst og gitabla napud sa 13-all human ang ika-26 nga rack.
Apan didto ra kutob kay gikuha naman sa Pinoy player ang sunod nga duha ka racks para isirado na ang torneyo.
“This final is something I’ll remember forever. Fedor is one of the best in the world—when I was leading 9-2, I still couldn’t relax because he’s a monster on the table. But today, I stayed focused, stayed calm, and maybe had a little luck on my side too,” saysay ni Biado.
Ang uban nga Filipino player nga nakampiyon sa maong torneyo mao sila Efren “Bata” Reyes (1999), Ronnie Alcano (2006) ug Francisco “Django” Bustamante. / RSC