Drug personality nangrakrak sa mga polis ug usa ka sakop sa Barangay Intelligence Network (BIN) naigo atol sa sinukliay sa bala niadtong alas 8:50 sa gabii Lunes, Hulyo 21, 2025, sa Sitio Tabay, Brgy Tayud, Lungsod sa Liloan.
Si Sammy Taborada, hingkod ang panuigon “drug personality” gialarma sa kapulisan human nagbadhas sa lugar nagdala og KG-9 sub-machine pistol, usa ka caliber .45.
Si Police Excutive Master Sgt. Eutiqiuo, Prosia, imbestigador sa Liloan Police Station nga nahinabi sa Sunstar Superbalita Cebu nibutyag nga nakadawat sila og impormasyon kabahin sa armed person nga gipahibalo gikan sa BIN sa lugar.
Tungod niini, daling gisuhid sa mga Intelligence Operative pag-verify sa maong dapit.
Sa pag-abot sa mga police ug BIN duol sa panimalay sa suspek kalit lang silang gipauwanag mga bala.
Atol sa pagpauwan og mga bala usa ka sakop sa BIN na-igo sa wala nga bukton ug sa lawas, may nalang kay nakasul-ob sa bullet proof vest.
Daling nakapanalipod ang mga polis sa ilang kaugalingon ug nibawos sa pagpabuto, naigo ang suspek hinungdan nga nadakpan dayon gidala sa tambalanan.
Apan gibalhin sa Vicente Sotto Memorial Medical Center (VSMMC) ang suspek tungod sa samad niini sa ulo.
Narekuber sa kapulisan ang usa ka KG-9 sub-machine pistol ug usa ka kalibre 45.
Matod ni PEMS Prosia nga ang suspek gikatahong sabog sa ginadiling drugas nagdala-dala og armas nanghudlat sa mga silingan. / GPL