Binandol nga ‘smuggled’ ukay-ukay nasakmit sa NBI

SunStar Local News
SunStar Local News

Nasikop sa entrapment operation sa National Bureau of Investigation Cebu District Office (NBI-Cebdo) ang usa ka babaye nga giingong namaligya og mga “bundle” nga ukay-ukay nga gituohang gi-smuggled gikan sa China.

Nasikop sa buhatan si Audrey Becaldo Pepino nga nidawat sa marked money atol sa operasyon niini sa LXZ Cebu Ukay-Ukay nga anaa nahimutang sa usa ka tago nga warehouse sa Barangay Tawason, Dakbayan sa Mandaue sa Hunyo 6, 2024.

Ang ukay-ukayan gireklamo gumikan sa health hazards o risgo sa panglawas sa mga kustomer, tungod kay ginamit na ang mga baligya niini.

Subay sa dugang pakisusi, nasayran nga ang maong tindahan gipanag-iya ug gi-manage sa duha ka mga Chinese national nga sila si Stephen So ug Junya Tan.

Padayon usab nga gisusi sa buhatan ang background sa duha ug ingon man ang ne­gosyo niini.

Gidugang sa buhatan nga pipila usab ka mga higayon nga nabantayan ang dagkong cargo containers nga mohunong tungod sa warehouse nga gituohang maoy nag transport sa illegaly imported nga ginamit nga mga sinina.

Gawas niana, mohimo usab kini og mga live selling sa social media site nga Facebook.

Sa Mayo 29, 2024 mipahigayon og test-buy ang NBI-CEBDO aron pagkompirmar sa maong kalihukan.

Nasuta nga gibaligya og tag P2,200 ngadto na sa P3,300 ang bundle sa mga sinina hinungdan nga dugukon sa mga mamalitay.

Nakuha gikan sa suspek ang ukay-ukay nga mobalor og P35,100.

Gipahibalo sa buhatan nga sa pagkakaron ipaubos na sa inquest proceedings ang suspek. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph