Binghay: Di angay kompeyansahan

Binghay: Di angay kompeyansahan
SunStar Binghay

Sayod ta nga kon sayo ma­diparahan ang sa­kit nga cancer, duna pay po­sibilidad nga ma­tabang ug mapatas-an ang ki­nabuhi.

Kining mosunod maoy mga kumon nga simtomas sa cancer nga angay susihon gilayon.

Segi gapagaw ang tingog o katol nga tutunlan. Simtomas kini sa sip-on, ubo o sore throat apan kon duha na gali ka semana unya wa gihapoy alibyo, angay na kini ipatan-aw.

Talagsaong burot o hubag sa panit. Kon duna gali makita nga naghubag bisag asa pang partiha sa lawas (suso, dughan, tiyan, liog, ilok o kinatawo), ipakonsulta gilayon kay posibli kini nga tumor.

Lain sab ning luas sa ngabil o dila nga way ayo-ayo. Kasagaran luas tungod sa stress, kakapoy o sa tambal nga imong gi-i­nom apan kon mosubra na sa tulo ka semana unya wa giha­pon mawala, ipa check na kini.

Ubo nga way ayo-ayo unya balik-balik. Kon nagkaanam kini og ka grabe unya maglisod na og ginhawa, may purohan kini nga cancer sa baga.

Sunod kining sakit ipangihi un­ya maglisod og pagawas sa ihi.

Lain sab ning dugo nga nasagol sa ihi o hugaw. Dunay purohan nga cancer kini sa tinae. Kinahanglan kining imbistigahon gilayon.

Kini sang mga samad-samad nga way ayo-ayo bisag asang dapita sa lawas, sakit o way sakit bation, kay kasagarang samad maayo ra man 2-3 ka adlaw.

Sunod kining kausaban sa kuku (tiil ug kamot). Kon imong makita nga nagliki-liki, dunay linya, nangabuak o na usab ang kolor, ipa check up gilayon.

Lain sab ining alom. Kon dunay bag-ong nanggawas nga alom unya uga, katol, sakit, nagdugo o nausab ang kolor, ipatan-aw gilayon kay posibling cancer kini sa panit.

Kausaban sa suso. Ang uban maghubag, mopuwa, o mausab ang porma. Ang uban sab dunay moguwa sa ilang suso nga di gatas o dunay makapkapan nga bugol-bugol. Ipatan-aw gilayon kay posili kining breast cancer.

Sunod kining anemia. Ang kakuwang og red blood cells sa lawas kay dilikado kini sa leukemia o lymphoma.

Katapusan ang kalit nga kausaban sa gana sa pagkaon ug kanunay nga kasukaon subra sa duha ka mga semana.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph