Binghay: Di lalim mahimong ginikanan

Binghay.
Binghay.File photo

Kasagaran natong mga ginikanan manghinaot nga unta mahimo tang sulundong mama ug papa para sa mga anak. Apan bisag unsaon ug ka pila pa balik-balikon o practice para ma insakto ang pagmatuto, di malikayan nga madagma o masipyat sa pagpadako.

Pina-agi sa pagdawat sa atong mga sayop/kalapasan og sa pagpaninguha para ma batok ning mga isyu ug di na magbalikbalik ang problema, dunay pa-agi para matabang pa kini aron matul-id ang dalan nga padungan sa mga bata.

Unsa ma ning mga kumon nga sayop sa mga ginikanan nga angay likayan?

Matod sa Verywell Family nga artikuo, pinaka unang sayop ang di pagpakita sa insakto o maayong ehimplo. Amg ginikanan dapat numero unong mag ‘role-model’ kay sa mata sa bata ang gipang himo sa ilang ginikanan maoy insakto.

Pananglitan makita sa bata nga kanunay kang naa sa ilang kiliran nag-atiman nila sa ilang mga kalipay, kasakit ug panginahanglanon, makasinati ni sila og pagmahal. Unya sa ilang pagdako di sab ni sila daling motalikod sa ilang responsibilidad ngadto sa ilang ginikanan.

Apan kon kanunay kang naglaag unya wa silay makita sa balay nga ilang kaduolan, kadangpan ug kapangayuan og tambag, adto kini modangop sa laing tawo nga ilang girespito nga maoy makagiya nila.

Sunod ang pakig-away sa anak unya pagsinukliay og mahait nga pulong ug buhat sama sa pagsiyagit, pamalikas, pamuyboy ug balik-balik nga litaniya sa mga sala nga nangagi na.

Dako ang posibilidad nga kon imong dapatan ang bata, kini siya manapat sab ug mosukol sa ngadto ngadto.

Ang taas ug di na katuhoan nga paglaum (unrealistic expectation) kon unsay angay buhaton sa mga bata nga mao hinuoy maka-ingon sa problema. Pananglitan 6 anyos na ang bata apan di gihapon kahibalo mogamit sa kasilyas o mangihi pa gihapon sa iyang katre. Ang mahitabo, ma frustrated ang ginikanan unya makasinati ang bata og kauwaw unya mo mubo ang ilang pagtan-aw sa kaugalingon.

Sunod Sabado atong tukion ang mga maayong paagi para mahimo tang sulundong ginikanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph