Sa tanto nakong basa-basa duna koy mga impormasyong nakuykuyan nga nakapangangha nako kay halos di katuhoan.
Kahibalo ka ba nga ang mga kabayo ug baka matulog magtindog?
Ang kwaknit murag langgam kay naay pako apan sa tinuod lang mammal kini sama nato. Tungod sa kagamay sa bukog sa iyang tiil, di kini kakayang makalakaw maong molupad na lang. Mao ra ni siyay mammal nga makalupad.
Ang kinabuhi sa langaw sarang mobo-a kay human sa 3 ka semana mamatay na kini.
Ang mga buaya ug iho mabuhi hangtod 100 anyos unya kining iho immune sa mga sakit-sakit lakip cancer.
Ang putyukan dunay duha ka tiyan. Ang usa sudlanan sa iyang dugos ug ang usa ka bahin sudlanan sa iyang kinaon.
Ang Ok-ok (cockroach ) bisag wa nay ulo mabuhi pa sulod sa 1 ka semana tungod sa ka lig-on iyang bayanan. Ang mamatyan ini ang ka gutom kay di naman makakaon.
Ang pinakadako nga balyena nga gitawag og Blue Whale dunayn dila nga sama ka bug-at sa elepante ug kasing-kasing sama ka dako sa sakyanan. Kini siya maoy nabantog nga pinaka-dako nga animal (dako pa sa mga dinosaurs) nga nakatuyok-tuyok sa tibuok kalibutan.
Ang kuhol (snail) pweding matulog sulod sa 3 ka tuig nga way pakgang. Ang Alimatok nga kusog mo sup-sup og dugo dunay 32 ka utok.
Ang kinabuhi sa iring nga libod suroy 3 ra ka tuig itandi sa iring nga binuhi og naay tag-iya nga nag-alima sulod sa balay kay mabuhi pa kini hangtod 16 ka tuig.
Ang mga langgam di mangihi. Igo ra kini mopaguwa sa ilang basa nga hugaw.
Bisag murag gapas sa kaputi ang balhibo sa Polar Bears, ang ilawom ini nga panit kay itom .
Ang lumod (dolphin) kung masamdan o masakit mohilak kini og kusog para makatawag ug makabapangayo og tabang sa uban. Ang pinaka-duol nga makadungog maoy motabang niya og salom pataas para makaginhawa og hangin kay mammal biya sab ni sila (dili isda) sama sa balyena .
Ang atong memory capacity sa utok dunay subra 2.5 ka milyon nga petabytes susama sa 2,500,500 gigabytes. Knowledge is power!