Binghay: Kon makuwangan og tubig ang lawas

Binghay: Kon makuwangan og tubig ang lawas
SunStar Binghay

Nanglagas ang mga dahon, nangalawos ang mga tanom ug nangliki ang yuta tungod sa kainit sa huwaw. Ang kainit misuyop sa tubig di lang sa palibot lakip sa ato mismo’ng lawas.

Ang pangutana, unsa may mahitabo nato kon ang atong lawas magkuwang og tubig?

Atong tukion ang mga epekto kon magkuwang og tubig ang lawas.

Pinaka-una ang dehydration. Kini ang kakuwang sa tubig nga mosulod sa atong lawas nga maoy maka-ingon sa pagka-daot sa atong vital organs, tissues ug cells. Ang timailhan ini ang pag-uga sa ngabil o baba, paghinay og gamay sa pagpangihi o pagbati og tumang kauhaw.

Sunod kining pagpanglapoy sa lawas. Sama sa makina ang atong lawas nanginahanglan og tubig para modagan.

Ang kakuwang ini makasinati kita og kaluya ug kawala sa enerhiya maong bation og pagpanglapoy, pagpang­li­pong, hangtod na sa pagkaluya unya makuyapan kay maglisod naman og circulate ang oxygen sulod sa lawas.

Pag-uga sa pamanit nga nakapawala sa natural nga glow kay mangaliskis ug mangunot naman.

Constipation o pag-gahi paggawas sa hugaw. Ang mahitabo maglisod na hinuon og paguwa sa hugaw unya ang kadaot kay makaingon kini sa samadsamad sa sampot o agianan sa hugaw nga kuyaw sa impeksyon.

Pagpanlabad sa ulo o migraine. Ang kakuwang sa tubig nga maoy magdala sa mga nutrient ug oxygen ngadto sa ulo aron mabalansi ang brain fluid. Ang resulta, ang atong mga blood vessel nga agianan sa dugo mapugos og burot nga maoy makaingon sa labad sa ulo unya magka impaired sa function, focus , memory ug uban pa.

Kidney stones. Ang kidney maoy mosala sa hugaw sa atong lawas ug momintinar sa likido sulod sa lawas. Kon magkuwang kini sa tubig, mosugod og porma ang cyrstals unya kon magpundok mahimo’ng kidney stones.

Mao kini hinungdan nga sakit na ipangihi unya ang uban kay magdugo na ang ihi moresulta sa kasakit o impiksyon.

Ang uban sab magka urinary tract infection labi na kon manghasi ang bacteria ug organismo nga nagpuyo sulod sa lawas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph