Di pa lang dugay, naay nakasulod nga bitin sa balay nga gibana-banang duha ka metros ang gitas-on. Naalibwag ming tanan ug nag-iyahay og sutoy og dagan palayo kay basig la o venomous, dunay rabies ning klasiha sa bitin.
Bisag unsang hayupa ma iring, iro, kwaknit ug uban pa, lakip kita'ng mga tawo, kon rabid ang nakapaak nato, dunay posibilidad nga duna na sab kay rabies sa imong lawas.
Kon mapaakan man ugali unya makahilo, dunay rabies ang hayop o bitin, kaka, dagkong hulmigas, buyog , scorpion ug uban pa, simbako palayo lang, buhata dayon kining mosunod:
Hugasan ang pinaakan gamit ang nag-agas nga tubig sa gripo para madala sa tubig ang hilo o rabies . Gamitan kini og sabon ang sa may pinaakan . Ayaw og kumpiyansa kon unsang bitina nakapaak, makahilo ba o di, adto dayon sa pinakaduol nga tambalanan aron maagapan unya mahatagan og insaktong tambal nga mobatok sa rabies o hilo.
Aron mamenusan ang sakit, pagkuha og plastic nga dunay ice unya pusta kini og labakara o gamay nga toalya dayon ipatong sa samad o pinaakan mga 20 minutos aron sab di kaayo mohubag ug di sab mabun-og .
Dunay mga expertong nga gitawag og herpetologist nga maoy naghimo og pagtuon ining mga bitin ug reptiles sama sa tiki, tuko, bao, baki’ ug uban pa. Kini sila expertong moila kon venomous ba o di ang maong bitin nga nakapaak pinaagi sa ilang kolor o porma sa kalimutaw.
Apan akong sugyot, ma rabid man o ug di, paniguro na lang og pa injection unya tumana gayod ang instruction sa doktor aron naay bisa ang idapat nga tambal.
Ikaw nga napaakan mailhan nimo kon makahilo ba ang nakapaak kay magsakit man ang parting napaakan unya mohubag sab.
Ang napaakan magsuka o bation og kasukaon, mokalit og kaluya ang lawas ug panington og taman. Ang uban nga nagrabihan mang-gahi ang kaunoran, magkurog ug bation og panugnaw, magbula-bula sab ang baba (sama sa gipatol), tumang sakit sa ulo ug di na makakukabildo.
Ayaw sab palihok-lihuka ang napaakan , steady lang, aron di kini dali nga mokatag sa ubang partes sa lawas.