NA ingganyo ko pagsuwat ining lindog human nako nahima-mat akong 2 anyos nga apo nga si Tali.
Daghang nangumento nganong amo siyang gipa-enroll sa Play Group nga bag-o pa man siyan nagsaulog sa iyang 2nd birthday apan kami ta-nan sa akong banay misuporta 100% ani nga plano tungod kay among nakita nga dako kini og matabang sa iyang pisikal, intiliktuwal ug emotional nga estado.
Matod sa artikulo nga Positive Parenting Matters, kining mosunod nga lifeskills bagay imatuto sa mga bata nga 2-3 anyos.
Pinaka-una nga makat-on ang bata pagpili sa sinena nga ilang gustong isul-ob. Kini siya makatudlo nila sa pag-gamit sa ilang kawagasan sa pagpili.
Sunod ang hinay-hinay nga pagkat-on paggamit sa ilang arinola kung mangihi o malibang. Pina-agi ini maka-sugod siya og sinyas o litok kung siya ka-ihion o kalibangon.
Ining edara hinay-hinay sang makat-unan sa bata ang pag-uli sa duwaan ngadto sa butanganan. Kini makatabang pagpasabot sa konsepto sa paglimpyo ug ideya sa kahusay sa iyang palibot labi na kon imo kining daygon o pakpakan human makapakita og maayong binuhatan.
Suod hinayhinay tudluan ang bata pagpadayag sa iyang mga panginahanglan sama sa gustong mototoy o inom og gatas, mokaon, makigduwa, ug uban pa.
Mao sab ning edara nga matudluan ang bata pagpadayag sa iyang gibati o mga panghitabo sama sa kahadlok, kalipay o ba kaha gibati nga sakit sa lawas.
Sakto sab ning edara nga matudluan ang bata pagpadayag sa iyang gibati sama sa pag-amin sa edaran, halok o gakos.
Aron mawala ang pagkama-uwawon, mao sab ning edara nga angay ipaduwa sa ubang mga bata nga iyang ka edad para ma-develop iyang social skills unya dili na kaayo mangila o mauwaw sa uban.
Hinayhinayan na sab ni siya pag-develop sa iyang motor skills, pananglitan ang paggamit sa iyang kamot sa pagduwa o paggunit sa iyang duwaan sama sa tarak-tarak, luto-luto, munyeka, ug uban pa.
Katapusan ang pagpahanas sa iyang gross motor skills sama sa pagkatkat, lukso-lukso, dagan-dagan og uban pa.