Binghay: Pagkaong makapanipis samot sa buhok

kukabildo
Binghay.
Binghay.File photo

Gipakatawo ko nga halos opaw kay kaliwat sa akong mga ginikanan ang mga nipis og buhok maong maibog kaayo ko magtan-aw sa uban nga baga og buhok kay di na sila kinahanglan pang magpa kulot para mo baga tan-awon.

Ang atong buhok gitawag og crowning glory maong kon magkaanam ni siya og kalarot, kalagas o ka upaw, di malikayan nga ma-insecure ang tagtungod.

Kining mosunod maoy mga pagkaong makapasamot sa pagpanlagas gikan sa Hello Geniuses nga basahon:

Processed foods. Kining mga pagkaon nga miagi og proseso unya daghang sagol nga kamay, tambok, preservatives ug additives makapasamot sa pagpanghubag-hubag sa hair follicles og panglagas maong angay hinay-hinayan ug limitahan ang pagkaon og mga dinalian o pinadagan nga pagkaon (fast food), tam-is nga snacks ug mga processed meats o de lata sama sa tocino, hotdog, longoniza, chorizo ug uban pa.

Sunod ang mga ilimnong daghan og kamay sama sa soda/softdrinks o sugary nga mga juice kay makapasirit kini og saka sa kamay sa lawas. Way kumo kon tubig lang ang imnon o ba kaha herbal tea o unsweetened nga mga ilimnon.

Subrang pagkaon ug dairy products sama sa cheese, gatas, butter, yogurt. Suwayi hiuon ang pag-inom og soy o almond.

Sunod ang kanunay nga pag-inom og ilimnong makahubog kay maoy hinungdan sa pagkahurot sa mga importanting nutrients nga pagkaon sa buhok.

Hinuon, kining mosunod maoy mga pagkaon nga makatabang pagpabaga sa buhok:

Protein-rich foods (mas maayo ang lean meat, way tambok, sama sa manok, baboy, isda, itlog og mga plant based nga protein sama sa mga beans.

Daghana sab ang pagkaon og mga preskong prutas kay daghan kini og natural nga mga bitamina, mineral ug anti-oxidants. Apili sab og mga leafy green nga utanon ug carrots.

Daghana og kaon ang mga isda nga taas og Omega-3 sama sa Salmon, Mackerel og Sardinas. Pwede sab mga nuts sama sa flaxseeds ug walnuts.

Makaabag sab ang pag-inum og Biotin nga dunay Bitamina H kay gikan man kini sa itlog, mga nuts og kamote.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph