Binghay: Palahutay og dugay

Binghay: Palahutay og dugay
SunStar Binghay

Makaibog ug ma­ka­suya magsud-ong sa mga magtiayon nga milahutay sa ilang kaminyuon ug nagsaulog sa ilang ika- 30, 40 ngadto na sa 50 ka tuig sa ilang wedding anniversary.

Sama kung mananom, ang relasyon sa kaminyuon angay sab atimanon.

Diay mga sugyot sa mga nag-una sa duyan kung unsaon pagpalahutay og dugay.

Pinaka-unang sugyot kung manawag gali imong asawa/bana, tubaga intawon og ayaw dugay-dugaya o pahuwata kay basig importante o emergency ang tuyo. Unya ayaw sab segihi og tawag diyot-diyot ang nanrabahong pares aron di ma disturb sa iyang trabahoan. Basin hinuon og ikaw maoy maka-ingon nga mapapha sa trabaho.

Kung magkuyog sab mong duha, kung mahimo ipadaplin ang telepono para mapaminaw ug mahatagan og atensiyon ang kapikas.

Ayaw hikawi og panahon ug budget ang inyong date night bisag ka 1 sa 1 ka semana.

Investment kini pagpalambo sa inyong reason. Pangita-i og paagi nga dunay temporaryong makabantay sa mga bata samtamg nag-date mo.Mangaon sa gawas, tan-aw og sine o concert, suroy sa park, og uban pa. Ang importante nga mag enjoy mong duha.

Kanunay isul-ob ang inyong weddinh ring. Kining singsing simbolo og magpahinumdom nga naa kay kapikas sa kasakit ug kalipay.

Makapakita sab sa ubang iring sungkaban nga ‘off limits’ na kay happily taken na.

Normal ra sa magti-ayon nga magkalalis, magkabangi sa opinyon o huna-huna. Kung kini mahitabo, ayaw gyod hisguti ang annulment o divorce isip option o solusyon. Kamong duha angay maninguha nga magkaayo ang mga buot og dapat way usa nga mo walk-out. Kung dunay isyo, lingkuran kini para mapangitaan og kasulbaran.

Alirungi inyong palibot og mga higala nga makatampo pagpa-himsog ug lambo sa inyong kaminyoon. Palayo niadtong kanunay mangintriga para mabungkag imong pamilya.

Kung ugaling makasala o masayop, pangayo gilayon og pasaylo. Ipadaplin nang pride kay wa nay ayo.

Labaw sa tanan, ipatunga sa kaminyuon ang atong Labawng’ Makagagahom pina-agi sa tim-os ug way puas nga pag-ampo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph