Binghay: Timailhan sa nagluib

Binghay.
Binghay.File photo

Ang pagluib maoy usa sa mga bug-at nga rason kon nganong mabungkag ang relasyon sa managtiayon o uyab.

Matod sa experto ug lisensiyado nga couples’ therapists, Samantha Burns, sa iyang libro nga ‘Breaking Up and Bounching Back’, kining mosunod maoy kumon nga mga warning sign sa mga maluibong pares:

Pagka-usab sa naandang schedule o tulumanon unya pakapinan dayon og mga rason nga gisigihan og pa overtime o kunuhay busy sa trabaho o dunay ka dinner date sa negosyo.

Maghinay-hinay na sab ni sila og palayo sa ilang mga higala kay mahadlok nga mahibaw-an ang ilang binuhatan kay syempri ang higala nga makahibalo bation man og ka alingasa o mahadlok nga maapil sa samok ug kagubot.

Mo menus na sab ang gana ug intimasiya kon magkuyog mo, apil ang pakighilawas.

Magsugod na sab ni og ka luho mogasto para paanyag. Magsige na lang og pamalit og mga pahumot, senina, sexy nga nighties o kanunay magpa-salon nga di man unta sila ingon ini mogasto sa una.

Ang ilang phone habits mausab na sab. Pananglitan magpunay og ilis og passwords o dad-on dad-on nila ilang telepono kanunay sa ilang kiliran aron di mabasahan sa uban nga di man unta ingon ini kaniadto. Ang uban di na gyod pahikap o pahuwam unya kon mag text o call magpalayo aron di madunggan.

Laing signos ang di na paghisgot sa mga plano sa kaugmaon ninyong duha. Ang nagluib nga pares di na motampo o mopaambit sa iyang emosyon, huna-huna o pagbati.

Iritabli sab ni sila kay magsegi naman lang og focus sa pagpangita og pa-agi nga di sila masakpan sa ilang binuhatan imbis unta mag enjoy sa ilang inadlaw-adlaw nga naandang tulumanon.

Duna say uban nga mokalit lang og kalami para matabunan ilang binuhatan. Pananglitan I surprise kunuhay ka og rosas bisag way okasyon nga di man unta ni ginhapon.

Ma defensive sab ni sila dayon . Kon imong pangutan-on, tubagon sab ka og laing pangutana kay sa likod sa ilang pangisip naghimo pa man sila og unsay maayong itubag.

Sunod Sabado atong tukion kon unsaon pagdala sa maluibong partner.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph