Binghay: Ting init, ting-guwa sab sa bitin

Binghay
Binghay

Tungod sa kainit ug pa­dayong pagsaka sa temperatura karong pa­nahona, ang mga bi­tin labi na ang mangtas ug ma­kamatay sama sa Cobra, Black Mamba, Rattlesnakes, Tai­pan, Gabon Viper ug ubang ma­nanap sama sa mga kaka (Tarantula o Black Widow) manguwa sa ilang gipangtaguan unya mangita og lugar nga medyo bugnaw apil na ini ang sulod sa balay ug ilawom sa kahoy.

Mao sab ni panahon nga aktibo ug agresibo kining mga mananapa.

Diay akong ipa-ambit nga mga safety tips para mapalayo sa disgrasya sa ilang pinaakan ug makamatay nga huot nga balikos.

Seguroa nga di dugay nga nagpabiling abre ang portahan o mga bintaha kay kining mga bitin labi na ang Cobra makaabot bisag unsa pa ka taas sa imong balay labi na og way tabon nga screen.

Inig ka gabii ayaw kumpiyansa ug pabiling abre and pultahan ug bintana kay posibli ni silang makasulod. Kining mga klasiha sa reptiles hilom, hinay ug sekritong makasulod nga di madiparahan.

Inspeksiyonon una ang ilawom sa gihapin nga habol o unlan sa higdaanan kay ganahan kaayo ni silang mo suksok ug tago ining mga lugara.

Una magpabugnaw o hayahay ilawom sa kahoy, inspeksyona una kon wa bay nagbitay nga halas sa mga sanga o labong nga dahon .

Ang bitin nocturnal, pasabot nga mangita ni sila og pagkaon kanang magabii na unya kasagaran matulog ni sila sa adlawan.

Gawas sa bitin, duna pay ubang mananap nga nagdala sab og hilo sama sa uhipan (centipede), scorpions, wasps, fire ants og uban pa.

Limpiyuhi imong palibot sulod ug gawas sa balay. Pamutli ang mga baga ug tag-as nga mga tanom kay kini maoy paboritong tagoanan sa mga ilaga nga paboritong pagkaon sa mga bitin.

Naay ubang bitin sama sa Hanlulukay nga di angay ikahadlok kay di makahilo unya dali rang patyon apan pagbantay sa uban sama sa Cobra kay kini sila kon masakitan mosukol ug manimalos unya mamaak ug mobalikos sa lawas. Ang mabiktima ini posibling di maluwas kon di madali og dala sa tambalanan ug injection og antivenom.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph