Nakasuway ka na ba nga muna-muna nimo’ng paningkamot apan nagka-anam hinuon og ka layo o ka lisud kab-uton ang gimithing kalampusan?
Kini nga kasinatian makapa-frustrate sa pagkab-ot sa personal o opisyal nga gitinguha ug kalamboan.
Matod sa basahong Elite Coaching ni Beth Siegert, kining mosunod maoy mga rason nga hinay kaayo ang pag-irog paingon sa kalambuan nga gipanggamit sa mga sikat ug adunahan nga executive coaches nga gigamit ni lani kanhi Presidente Bill Clinton sa Estados Unidos, Tech savant nga si Bill Gtes ug journalist/Businesswoman Ophrah Windfrey.
Ang magsegi og kasuko. Angay pangutan-on ang kaugalingon sama ining mosunod: dali ka ra ba kaayo kang saputon ug masuko? Dugay ka bang maulian human masuko? Kon masuko tungod ba kini sa dugay nang nag-umido o giluom nga kasilag o kalagot, makasulti ka ba sa imong suod nga higala sa imong nasuk-an, ang imong nasuk-an mahitungod ba sa imong trabaho o personal? Kon ang imong tubag usa ini, mas maayong makig kukabildo ka og life coach nga maoy mogiya nimo pawala o pamenus sa kasuko?.
Sunod ang kausaban sa kinaiya. Kining stress maoy numero unong makapausab sa kinaiya, sama pananglit sa kakuwang sa komunikasyojn, pagtambok o pagdaot, ma paranoia-segi na lang og huna-huna nga siyay gihisgutan, mag apil-apil na ining pagkaon og mga ginadiling food, ilimnon ug drugas, nagka problema sa relasyon, magpalayo o kanunay mag-inusara, ug dali kaayong masuko o segi og ka init ang ulo o high blood.
Ang uban sab dunay kausaban sa ilang hygiene, kasagaran di na ganahan maligo o mag-ilis unya manimaho na, di na makig kukabildo sa kauban, kuwang sa direksiyon ug focus.
Laing babag mao ang pagka-ubos o gamay sa output sa trabaho. Ang kalidad sab sa trabaho dunay dako’ng kausaban. Daghang kakuwangan o sayop sa gipangbuhat.
Babag sab sa kalampusan ang kakuwang sa kadasig (motivation). Asa naman paingon ang gugma sa natad sa pagpanrabaho? Wa nay gana manrabaho o bisan sa iyang personal nga ka relasyon.
Katapusan,ang pagkaipit sa sitwasyon. Wa na kalihok kay na stuck na sa iyang kahimtang. Kon kini mahitabo , ang tagtungod angay nga abre sa iyang panghuna-huna ug kasingkasing sa bag-ong mga kahimanan ug pa-agi aron dunay laing makat-unan.