Karong adlawa na timing nga Valentine's Day maong ang akong lindog mga suhistiyon kon unsay pweding mahimo para mabulukon ang pagsaulog ining adlawa nga di kaayo gasto kay segurado ko nga puno-puno ang mga kan-anan og suruyanan karong adlawa.
Unang suhistiyon ang “Memory Lane Night” – Magbalik-tan-aw mo sa inyong mga daang mga hulagway labi na tong nagsugod pa mo og date. Mas nindot kon inyo kining i-connect sa TV monitor ang inyong na save nga pictures sa telepono para mas dako inyong panan-aw. Parisan kini og popcorn o chichiriya, ok na kaayo.
Segurado ko nga naa moy makit-an nga mga kataw-anan o romantikong mga picture nga makapabalik sa inyong panumdoman. Samtang nagtan-aw, mahimo ninyong balikan ang inyong love story sa inyong first date.
Sunod kining “Future Us” nga inyong makukabildo. Inyong itampo ang inyong mga damgo kon asa mo gustong mobiyahi o mosuroy-suroy, inyong couples’ goal karong tuiga o inyong panan-aw duha sa ideal life.
Sa kadtong mahilig motan-aw sa buwan o bituon, mahimong mag-‘Star Gazing”. Why not diba? Pagbughad og banig o habol mismo sa inyong tugkaran, balcony o rooftop. Ang uban mag decorate og low/warm light para mas magical o ba kaha mag-inom og hot chocolate perfect pagduyog sa bugnaw nga huyuhoy sa hangin.
Mahimo sang mamalit og dessert parisan og kape unya mangligkod ilawom sa buwan dayon mag-estorya mahitungod ninyong duha. Dapat i-off ang cellphone para quality time.
Mahimo sab magduwa og baraha, board games o Question and Answer (mga 20 ka romantic questions) unya ang makadaog maoy mamangka sa sunod nga date o mohatag og masahe ang mapilde.
Suwayi sab ang movie night. Pagpili og romantiko nga salida (The Notebook, La La Land, Before Sunrise), parisan kini og popcorn ug softdrinks, daog na.
Katapusan, pwedi ra mong duha magluto sa inyong mga paboritong pagkaon. Candle light dinner sa inyong kan-anan parisan og hinay o romantic music. Pagsinena biya og nindot para special.