Dili ikalimod nga sa panahon karon padayon ang pagtaas sa mga palaliton ug bayranan maong ang bana ug asawa magtambayayong para mabuhi ang pamilya.
Dako kini og kalainan sa una nga ang amahan ra manginabuhi ug ang inahan mag-atiman sa mga bata sa balay.
Usahay kinahanglang mag-overtime para maka-extra pero tungod niini, mapasagdan na ang pag-atiman sa inadlaw nga panginahanglan sa mga bata.
Unsa man ning work-life balance?
Ang pasabot ini pagbalanse sa mga responsibilidad ug ginbuhaton sa trabahoan ug sa personal nga commitment para mabalanse ang oras sa pamilya, partner ug trabaho unya makakita pa og panahon para sa mga hobbies, suroy o biyahe.
Magkinahanglan kini og pagprayoridad sa duha ka reaponsibilidad para walay masakripisyo unya ma-focus ang pag-atiman sa kaugalingon. Mapaubsan sab ang stress ug pagka-burnout sa duha ka papel nga gidala ug mga naandang tulumanon.
Pinaagi sa pagbalanse, mas motaas ang produksiyon sa trabaho unya maka-bonding pa gyud sa kabanay. Diay akong mga suhistiyon o tips para makuha nino imong gipangtinguha:
Ang pag-manage sa imong oras. Bansay-bansaya ang paglista sa imong mga ginbuhaton una magsugod imong adlaw para duna kay goal. Unaha ang mga ginbuhaton o trabahuon nga dunay deadline, o ba kaha kadtong sayon himuon o daling humanon.
Mahuman na gali nimo, markahi dayon og ‘check’ o X ang imong listahan aron makakita ka sa imong agi.
Pag-schedule sab og oras para makabakasyon mo sa imong pamilya o makahimo sa imong gustong hobby.
Ayaw kalimot sa imong break time kada 2 ka oras. Pwede kang mag-walking o stretching samtang naa sa imong trabahoan.
Paninguha pagbutang og boundery sa imong trabaho ug personal nga oras.
Hinumdumi, ayaw dad-a imong trabahuon sa balay unya ayaw sab dad-a imong isyu sa balay sa trabahoan.