Dili na mistil pa nga mobiyahe og layo ang mga mabdos nga lumulupyo sa dakbayan sa Danao o manganakay gumikan kay pormal nga gibuksan sa kagamhanan ang Danao CHSO Birthing Center.
Gipahibaw sa lokal nga kagamhanan nga bukas ang maong sentro alang sa paghatag og serbisyo sa mga mabdos sama sa basic emergency maternal obstetric, post partum care, newborn care, family planning services ug STI ug HIV Screening.
Ang birthing center bukas alang lang sa mga residente sa siyudad, gawas lang sa mga dunay medical conditions nga mahimo’ng i-refer sa siyudad alang sa lain nga pasilidad kay gikinahanglan ang dugang nga pag-atiman.
Usa kini ka pasilidad nga gipundohan sa Health Facility Enhancement Program (HFEP) ubos sa Department of Health Central Visayas (DOH-7).
Alang sa mga modangop sa sentro, mahimo’ng mag dala og prenatal card o record sa mga pre-natal check-up gikan sa barangay health station lakip usab ang mga laboratory result sa Complete Blood Count (CBC), Hepatitis B, HIV result, syphilis, ultrasound, ug urinalysis.
Ang sentro bukas gikan sa Lunes hangtod sa Dominggo ,sa tibuok adlaw.
Subay niini, aduna nay 18 ka mga local-government-operated birthing centers sa siyudad.