Bisan way hulga, seguridad higpitan

MIBISITA: Si Police Brigadier General Anthony Aberin, hepe sa Police Regional Office (PRO 7), nibi­sita sa usa sa mga sentrong simbahan sa dakbayan sa Sugbo aron pagsusi sa pagpatuman sa seguridad. / Arnold Y. Bustamante
MIBISITA: Si Police Brigadier General Anthony Aberin, hepe sa Police Regional Office (PRO 7), nibi­sita sa usa sa mga sentrong simbahan sa dakbayan sa Sugbo aron pagsusi sa pagpatuman sa seguridad. / Arnold Y. Bustamante

Walay nadawat nga hulga sa seguridad ang Police Regional Office (PRO 7) human sa pagpamomba sa sulod sa Mindanao State University sa dakbayan sa Marawi nga mikalas og upat ka mga kinabuhi nga giangkon, matod pa, sa Islamic State (IS) nga sila ang nipaluyo.

Matod ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, hepe sa PRO 7, nga bisan wala silay nadawat nga hulga, ang kapulisan wala mokompyansa uban sa counterpart niini nga mao ang armadong kusog sa Pilipinas.

Dunay himuon nga adjustments sa deployment sa mga police personnel sa tibuok rehiyon 7, lakip na ang reaction team aron magpabilin nga luwas ang Central Visayas.

Ang tanang intelligence network sa gobyerno padayon nga nagbantay aron dili sila malutsan ug nasuta nga walay direktang hulga nga ilang nasagap.

Nilusad usab ang PRO-7 og sunodsunod nga mga dayalogo sa nagkalainlaing sektor sa katilingban lakip na ang Muslim community.

Si Aberin nakigtagbo sa mga Muslim leader sa rehiyon ug gipaniguro sa maong komunidad nga andam sila nga motabang sa kapulisan sa pagbantay ug andam nga mopahibawo kon duna silay mamatikdan nga kadudahan sa ilang hut-ong.

Samtang personal nga nihimo og inspection si Aberin sa Basilica Minore del Santo Nino aron masayran kon unsa ka luwas ang mga manimbahay ning nagkaduol na ang Sinulog ug ang pagsugod sa Misa de Gallo.

Gihinabi niini ang mga security personnel nga nagbantay sa mga ganghaan sa simbahan, lakip na ang siguridad sa sulod.

Gibutyag ni Pelare nga nakahan-ay na ang security plan sa kapulisan alang sa mga kalihukan sa Sinulog.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph