Streaming na sa online platform nga BisayaFlix ang Bisaya horror film nga Balay nga gidala nila ni Akiko Solon, Shim Dagatan, Jessel Regis, Ligaya Rabago ug Sol Eugenio.
Ang maong salida kabahin sa usa ka babaye nga nipuyo sa usa ka balay nga nakita lamang niya sa iyang damgo.
Apan sa iyang pagpuyo sa maong balay, daghan siya og madiskubrehan.
Si Mr. Universe 2022 Elcid Camacho mao ang direktor niini.
"Sharing our current project — a film brought to life by dreamers who believe in each other’s craft. A production fueled by passion, purpose, and unity. This is more than just a movie; it’s a dream unfolding," sa post sa bida niini nga si Akiko.
Si Sol sa iyang bahin, nidayeg sa editing sa maong salida human kini makita sa big screen sa special screening sa SM Seaside niadtong Dominggo.
"I was completely surprised, genuinely scared, and absolutely amazed by the editing brilliance of our director. Considering the challenges we faced during production."
Gidala ni Sol ang role isip Don Mariano, "I was given the creative freedom to help shape his character, and I poured in personal touches. He’s of Japanese ancestry and deeply rooted in his ancestral home."
Ang BisayaFlix usa ka online platform nga nagtanyag og Bisaya nga salida, series, ug uban pang videos. Ma-download na kini sa app store. / HBL