Namatay ang boksidor nga si Zolani Tete human kini gipusil atubangan sa iyang balay didto sa lungsod sa Mdantsane, Eastern Cape, South Africa.
Si Tete ang kanhi World Boxing Organization (WBO) ug International Boxing Federation (IBF) junior-bantamweigth champion.
Namatay dayon sa dapit nga nahitaboan si Tete, samtang ang iyang babaye nga uban naangol usab human makaangkon og ubay-ubay nga igo sa bala ug dali nga gidala sa labing duol nga ospital.
Nag-edad si Tete og 38 anyos. Ang iyang boksing record kay 29-4 lakip ang 22 ka knockouts.
Kahinumodoman nga nakontra ni Pinoy boksidor John Riel Casimero si Tete diin nidaog si Casimero niadtong Nobiyembre 2019 pinaagi sa third-round TKO didto sa Arena Birmingham sa England. / RSC
