Sama sa gilauman, ang 7’4” nga si Bol Bol sa TNT Tropang 5G maoy nag-una sa inilugay sa Best Import award sa nagpadayong Philippine Basketball Association (PBA) Season 50 Commissioner’s Cup human kini nakarehistro og dagkong mga numero sa nagkadaiyang mga departamento.
Si Bol, kinsa lab-as pa gikan sa National Basketball Association (NBA), nakatigom og 59.4 statistical points (SPs) gikan sa iyang league-best averages nga 32.4 puntos, 10.4 rebounds, ug 4.8 assists.
Ang lig-ong mga kompetensiya ni Bol mao sila si Bennie Boatwright sa San Miguel Beermen (53.4 SPs), ug Cady Lalanne sa NLEX Road Warriors (50.6 SPs). / ESL