Bolick balhin sa warriors

Bolick
Bolick

Giaprubahan ni Philippine Basketball Association (PBA) commissioner Willie Marcial ning Lunes, Disyembre 11, 2023, ang three-team, multi-player deal nga naglambigit sa NorthPort Batang Pier, NLEX Road Warriors ug San Miguel Beermen.

Ang sentro sa kasabutan mao si Robert Bolick, kinsa gitunol sa Batang Pier ngadto sa Road Warriors human sila napakyas paghaylo nga magpabilin sa ilang balwarte ang 6’1” shooting guard.

Giangkon sa Road Warriors nga ilaha gyud nga gipaninguha nga makuha si Bolick aron matapakan ang haw-ang nga nabiyaan sa ilang pambatong guard nga si Kevin Alas, kinsa nakasinati og season-ending ACL injury.

Gawas ni Bolick, nadawat sab sa Road Warriors si Kent Sabalo.

Isip baylo, nadawat sa Batang Pier gikan sa Road Warriors sila si big man Ben Adamos, guard Kris Rosales, small forward Don Trollano ug Season 49 second round draft pick.

Gikan sa Batang Pier, nabalhin si Trollano sa Beermen baylo nila ni Allyn Bulanadi, Jeepy Faundo ug 51st Season second round pick.

Sa laing bahin, naprotektahan sa Magnolia Hotshots ang ilang limpyong rekord pinaagi sa pagbuntog sa Beermen, 94-90, sa Season 48 Commissioner’s Cup niadtong Dominggo, Disyembre 10, 2023, sa Philsports Arena.

Ang Hotshots nakapahugot og maayo sa ilang paggunit sa solo’ng liderato dala ang 7-0 nga rekord, nga nakatabla sa ilang all-time best start sa usa ka komperensya.

Ang Beermen, nga ningkombati nga wala ang tulo sa ilang mga pambato nga sila si JuneMar Fajardo, Terrence Romeo, ug Vic Manuel, natagak sa 3-3 nga rekord.

Sa laing duwa, gipanglampurnas sa Meralco Bolts ang Batang Pier, 125-99.

Ang Bolts ningsaka sa 5-1 nga rekord samtang ang Ba­tang Pier ningka­na­ug sa 5-3 nga ba­raha.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph