Bolick napili na sab nga POW awardee
Naapil ang pambato sa NLEX Road Warriors nga si Robert Bolick sa multi-time winners sa Philippine Basketball Association (PBA) Press Corps-Pilipinas Live Player of the Week award.
Sa ikaduhang higayon sa Season 49, si nadaog na sab ni Bolick ang pasidungog human sa maayo niyang gipakitang duwa sa kampanya sa Road Warriors sa Hunyo 4-8, 2025, sa kasamtangang nagpadayon nga Philippine Cup.
Sa labing ulahing duwa sa Road Warriors, si Bolick nirehistro og 25 puntos ug siyam ka rebounds aron pangulohan ang ilang kadaugan batok sa Magnolia Chicken Timplados Hotshots, 107-99, niadtong Hunyo 6.
Ning maong kadaugan, ningpatong ang Road Warriors sa sulong liderato dala ang 8-2 nga rekord.
Unang naangkon ni Bolick kining maong pasidungog niadtong Enero atol sa Commissioner’s Cup eliminations.
Si Bolick maoy ikapitong magduduwa nga nahimong multi-time winner ning maong pasidungog sa Season 49. / ESL