Bolts batok se Beermen

MIITSA: Si Raymond Almazin misuway og itsa taliwa sa depensa sa Gin Kings pinangulohan ni Christian Standhardinger (wala). Gipakuryentihan sa Meralco Bolts ang Ginebra, 78-69. / pba.ph
MIITSA: Si Raymond Almazin misuway og itsa taliwa sa depensa sa Gin Kings pinangulohan ni Christian Standhardinger (wala). Gipakuryentihan sa Meralco Bolts ang Ginebra, 78-69. / pba.ph

Ang Meralco nakaabot sa PBA Philippine Cup Finals sa unang higayon sa kasaysayan sa prangkisa pinaagi sa pagpukan sa Barangay Ginebra, 78-69, sa do-or-die face-off sa San Jose, Batangas Biyernes sa gabii.

Sa ilang kadaugan, ilang ikaharong ang San Miguel Beer sa usa ka title showdown.

Sila si Chris Banchero ug Chris Newsome maoy nangulo sa Meralco sa pagpilde sa Bolts sa Kings sa duha ka sunod-sunod nga mga higayon nga do or die ug sa ingon nakaangkon og unang kahigayunan nga makaduwa sa unang all-Filipino finals sa 15 ka seasons.

Sa tumang determinasyon, ang Bolts ningkamang og balik gikan sa 11 puntos nga pagkalubong sa sayong bahin sa second period ug nidominar sa second half aron mosulod sa ilang ikalimang PBA finals, diin upat niini gipilde sila sa Ginebra.

Uban sa tumang paningkamot, ang mga charger ni coach Luigi Trillo nakakompleto sa usa ka klasiko nga kadaugan gikan sa 2-3 nga deficit niining race-to-four series.

Sila si Banchero ug Newsome mao ang nangulo sa clincher, diin ang nahauna mitali og 24 puntos uban ang 4-of-10 nga three-pointers ug ang naulahi nakatali og 20, unom ka assists ug duha ka rebounds.

Sa starting unit sa ikaduhang sunod-sunod nga duwa, si Bong Quinto adunay dako nga natampo nga may 10 puntos, upat ka assists ug tulo ka rebounds.

Walay laing mga magduduwa sa Meralco nga nakapuntos og double figures apan ang Bolts nakahimo og solido nga depensa.

Ilang napugngan ang Kings ngadto sa 32 porsiyento sa field goals nga ilang labing ubos sa duwa sa post-elims.

Si Scottie Thompson mihimo og all-around nga paningkamot nga 20 puntos, 10 ka rebounds, unom ka assists ug upat ka steals nga nausik lang.

Si Christian Standhardinger napugngan gikan sa iyang 22-point average sa serye ug nakapasulod lang sa iyang 6 sa 17 ka pagsuway. Ang mas grabe kay iyang giusikan ang walo sa iyang 12 ka free throws. / REV, pba.ph

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph