Magpinaksitay ang Meralco Bolts ug Magnolia Chicken Timplados Hotshots sa nag-inusarang duwa sa pagsugod sa Philippine Basketball Association (PBA) Season 49 Governor’s Cup karong Dominggo sa gabii, Agusto 18, 2024, sa alas 7:30 sa gabii sa Smart-Araneta Coliseum.
Sa dili pa ang aktuwal nga kombati, ipahigayon una ang Leo Awards sa alas 4:00 sa hapon unya mosunod niini ang opening ceremony.
Ang Bolts nikuha’g balik sa ilang import nga si Allen Durham, kinsa moduwa’g balik sa team human sa upat ka tuig.
Sa ilang bahin, gikuha nga import sa Hotshots mao si Glenn Robinson III, kanhi magduduwa sa National Basketball Association (NBA).
Gawas sa Araneta Coliseum, ang PBA mopahigayon sab og mga duwa sa Ninoy Aquino Stadium ug out-of-town games sa Candon City, Cagayan De Oro, ug Panabo City. / ESL