Tungod kay nakaseguro na sila og luna sa quarter-finals sa kasamtangang nagpadayon nga Philippine Basketball Association (PBA) Season 49 Philippine Cup, ang Meralco Bolts mobalhin una sa ilang atensyon sa Basketball Champions League Asia nga ipahigayon karong Hunyo 7-13, 2025, sa Dubai.
Ang Bolts nakahuman na sa ilang tahas sa elimination round sa Philippine Cup dala ang 6-5 nga rekord hinungdan nga makatutok na sila sa ilang kampanya sa Dubai tournament.
Sa Dubai, adunay tulo ka bag-ong imports ang Bolts apan gitataw ni coach Luigi Trillo nga naglaom gihapon sila og malisod nga tahas.
“It’s going to be very hard there. We’ll have three new imports, and they don’t know what we’re running,” matod ni Trillo nga napatik sa www.pba.ph.
“But again, it’s an honor and challenge for us to represent the Philippines and the PBA.” / ESL