Mga duwa karon:
5:15 pm- Meralco
batok Terrafirma
7:30 pm- Rain or Shine
batok Titan Ultra
Angkunon og suway sa Meralco Bolts ang katapusang puwesto sa Top 4 sa ilang pagpakigbatok sa Terrafirma Dyip sa premirong duwa karong karong Biyernes, Mayo 8, 2026, sa Philippine Basketball Association (PBA) Season 50 Commissioner’s Cup sa Ninoy Aquino Stadium.
Kasamtangang naa sa ikaupat ang Bolts dala ang 7-3 nga rekord apan delikado pa silang mailugan og puwesto sa Top 4 kon mapilde sila ning sangkaa.
Ang masulod sa Top 4 makabaton og twice-to-beat nga benepisyo sa nagkaduol nga quarter-finals.
Ang Dyip, nga adunay 4-7 nga rekord ug usa sa teams nga wala na’y purohan nga makaabante, mamasin nga makabawon og gamay nga moral sa ilang pagpanamilit.
Sa laing bahin, ang Rain or Shine Elasto Painters (8-3) mosuway pagbangon gikan sa duha ka sunodsunod nga kapildihan sa ilang pagpakigbatok sa nagsalimoang nga Titan Ultra Giant Risers (2-9) sa premirong duwa.
Nakaseguro na man tuod og puwesto sa Top 4 ang Elasto Painters apan nagkinahanglan silang modaog ning sangkaa aron makabawon og kadasig paingon sa quarter-finals. / ESL