Bolts nakaipsot sa Road Warriors

Bolts nakaipsot sa Road Warriors
Basketball (File Photo)

Nakaipsot ang Meralco Bolts gikan sa grabeng pagpanghudlat sa NLEX Road Warriors aron iposte ang kadaugan, 97-94, sa premirong du­wa sa Dominggo, Dis­yembre 3, 2023, sa Philippine Basketball Association (PBA) Season 48 Commissio­ner’s Cup sa Philsports Arena.

Ang Bolts daw paingon na un­ta sa yanong kadaugan dihang nakamugna sila og 29 puntos nga labaw sa 3rd quarter.

Apan sa wala damha, ningbulhot ang opensa sa Road Warriors ug nakahigayon pa kini pagtabla sa duwa, 94-94, pinaagi sa three-pointer ni Don Trollano sa nahabiling 22 ka mga segundos.

Sa nahabiling 2.8 segundos, nabuak ni Bolts guard Chris Banchero ang maong panagtabla pinaagi sa iyang floater ug mao na kini ang niabli’g dako sa ilang pultahan pai­ngon sa kadaugan.

Ang Bolts nga ningsaka sa 4-1 nga rekord, gipangulohan sa ilang import nga si Suleiman Braimoh pinaagi sa iyang 38 puntos samtang nidugang og 15 puntos si Banchero.

Ang Road Warriors nga nahagbong sa 2-4 nga baraha, gipangulohan sa ilang import nga si Stokley Chaffee ug Trollano pinaagi sa ilang 24 puntos matag usa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph