Bolts nakatilaw og kastigo sa EASL

Bolts nakatilaw og kastigo sa EASL
Basketball (File Photo)

Nasugamak sa dakong kapildihan ang Meralco Bolts batok sa Ryukyu, 89-61, niadtong Miyerkules sa gabii, Nobiyembre 15, 2023 sa East Asia Super League (EASL) sa Okinawa Arena sa Japan.

Ang kanhi import sa Bolts sa Philippine Basketball Association (PBA) nga si Allen Durham nitampo og 16 puntos alang sa kadaugan sa Ryukyu, nga gipangulohan ni Keita Imamura pinaagi sa iyang 19 puntos.

Nagkumboya sila si Durham ug Imamura aron pangulohan ang 20-6 run sa Ryukyu nga maoy naghatag kanila og 48-34 nga labaw sa halftime.

Sa wala pa ningsutoy ang opensa sa Ryukyu, ang Bolts nakakombati pa og maayo ug nagtabla ang duwa, 28-28, sa sayong bahin.

Pagsugod sa 2nd half, kontrolado na sa Ryukyu ang panagsangka hangtod na sa katapusang gutlo.

Ang Bolts gipangulohan ni Chris Newsome pinaagi sa iyang 11 puntos samtang niamot og 10 puntos matag usa sila si import Prince ibeh ug Cliff Hodge.

Ang duha ka mga kampo magsangka og balik karong Disyembre 13, 2023 sa Studio City sa Macau.

Puntos matag usa:

Ryukyu (89) – Immamura 19, Durham 16, Cooley 12, Matsuwaki 11, Kishimoto 9, Maki 9, Tamayo 7, Uematsu 3, Tashiro 3.

Meralco (61) – Newsome 11, Ibeh 10, Hodge 10, Almazan 6, Black 6, Dario 5, Quinto 5, Caram 4, Torres 2, Pasaol 2, Pascual 0, Bates 0. Quarterscores: 17-21; 48-34; 69-47; 89-61.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph