Ang kapin sa 1,500 ka pamilya nga nabiktima sa dakong sunog sa Sityo Sta. Maria, Barangay Pusok, siyudad sa Lapu-Lapu.
Niadtong Disyembre 12, 2023, nakadawat sila og hinabang ni Senador Christopher Lawrence ‘Bong’ Go.
Personal nga giduaw sa senador ang mga nabiktima sa sunog pagka Martes, Disyembre 19, ug gitunolan og food packs, groceries ug mga dagko’ng water jug.
Agi sa pagsaulog sa diwa sa Pasko, gawas nga nagpapaniudto si Sen. Go, adunay gipa-raffle nga tulo ka mountain bikes, adunay gipanghatag nga relo ug sapatos.
Atol sa iyang pakigpulong nga usa ka paagi sa iyang pag-comfort sa mga nabiktima, iya kining personalon og duaw sa bisan asang dapit sa nasod.
Matod ni Go, dili niya batasan nga magpunay og pabugnaw sud sa iyang buhatan apan ilabi na nga daghang mga Pilipino ang nagkalisod-lisod gumikan sa ilang nasinati nga katalagman sama sa sunog.
Gitambagan sa maong opisyal ang mga nasunogan nga taliwala sa maong hitabo, angay gihapon nga magpasalamat nga luwas sila ug way nakalas sa maong trahedya.
Si Lapu-Lapu City Mayor Junard Chan sa iyang bahin mapasalamaton sa senador nga dili motalikod sa pagtunol og serbisyo ngadto sa mga Oponganon.
Ang mga nabiktima sa maong sunog moabot ngadto sa 1,575 ka mga pamilya nga gilangkuban sa 8,013 ka mga indibiduwal.