Sulod ra sa siyam ka mga minutos nga niduwa ang pambato sa Phoenix Suns nga si Devin Booker atol sa ilang dakong kapildihan batok sa host San Antonio Spurs, 94-121, kagahapon, Biyernes, Pebrero 20, 2026 (PH time), sa National Basketball Association (NBA).
Si Booker nakasinati og angol (right hip soreness), nga gisuwayan niya pag-antos aron makatabang sa iyang team.
Nibiya sa duwa si Booker sa nahabiling 5:24 minutos sa 1st quarter unya nibalik siya sa nahabiling 4:46 minutos sa 2nd quarter.
Apan paglabay sa 71 ka mga segundos, hingpit na siyang nibiya sa duwa. / Gikan sa wires