Sama sa gilauman, nakatilaw og kastigo ang Gilas Pilipinas batok sa two-time defending champion Australia Boomers, 60-84, niadtong Miyerkules sa gabii, Agusto 13, 2025 (PH time), sa quarter-finals sa Fiba Asia Cup sa King Abdullah Sports City sa Jeddah, Saudi Arabia.
Giangkon ni Gilas coach Tim Cone nga lupig gyud ang iyang puwersa batok sa Boomers hapit sa tanang mga departamento ug nakita na kini sa sayong bahin pa lang sa kombati.
“No doubt, the Australians’ athleticism and length, even though you see it on videos, when you get there and start playing them on the court, you’ll realize they’re very superior,” pag-angkon ni Cone, kinsa karon pa naka-coach batok sa Boomers.
“And so we just had a hard time staying in front of them and hard time challenging their threes, and they moved the ball really well and they got up shots quick. They played at a really good pace.”
Gawas sa ilang opensa, nalimitahan sab sa depensa sa Boomers ang labing pambato sa Gilas nga si naturalized Justin Brownlee, kinsa igo lang nakamugna og 10 puntos sa 3-of-7 shooting.
Sa pagbahar sa duwa ni Brownlee, ang Gilas gipangulohan ni Kevin Quiambao pinaagi sa iyang 17 puntos, nidugang og 15 puntos si Dwight Ramos samtang nihatag og walo ka puntos si EJ Edu.
Ang Boomers, nga wala pa nakatilaw og pilde sukad sa ilang pagsalmot sa kompetisyon, nagkontrolar sa duwa gikan sa sinugdanan hangtod katapusan.
Alang ni Cone, ang ilang kasinatian ning duwaa magsilbe nilang leksyon nga ilang magamit sa umaabot nga World Cup Qualifiers karong Nobiyembre diin kauban nila sa bracket sa group stage ang Australia, New Zealand ug Guam.
“We’ve got them coming up again in the World Cup Qualifiers. They are in our bracket. We got to figure out some things ahead of us,” matod ni Cone nga napatik sa Spin.ph.
“We got to really digest this, we got to look at videos, we got to see what’s going on and go forward.”
Puntos matag usa:
Australia (84) — Foxwell 17, Galloway 15, McVeigh 12, Magnay 10, Cooks 10, White 8, Wessels 6, Hickey 5, Daniels 1.
Gilas Pilipinas (60) — Quiambao 17, Ramos 15, Brownlee 10, Edu 8, Latvia 5, Tamayo 2, Aguilar 2, Malonzo 1. Quarterscores: 29-12, 48-28, 69-50, 84-60. / ESL