Nakadawat ang Barangay Guadalupe, dakbayan sa Carcar og bag-ong sakyanan ug office supplies gikan sa buhatan ni Secretary Romulo Leo Arugay sa Commission on Filipino Overseas.
Kini ang gipahibalo ni Arugay atol sa iyang pagbisita sa naasoy nga barangay sa Dominggo, Disyembre 31, 2023.
Ang Guadalupe usa sa mga barangay sa nasod nga benepisyaryo sa iyang pilot area sa Balik Bayan Program.
Si Brgy. Kapitan Rey Anthony Lawas sa Guadalupe uban sa mga sakop sa konseho, barangay health workers, mga barangay tanod, ug mga staff sa barangay ang ning-abiabi sa kalihim.
Si Arugay nibutyag ning buwan sa Enero ipadala niya ang Toyota Revo ug ubang kagamitan sa brgy. hall sa Guadalupe.
Ang programa ni Arugay gitumong nga makatabang sa komunikasyon sa mga migrant Pinoy sa ilang mga kabanay dinhi sa nasod.