Nagtingkagol na sa bilanggoan ang usa ka brgy. konsehal nga gidakop alas 10:30 sa buntag sa Hunyo 20, 2024 sa Brgy. Poblacion, lungsod sa Aloguinsan, pinaagi sa warrant of arrest sa kaso’ng illegal drugs. Ang akusado giila nga si Rhaabe Yanong Norteza, hamtong, kanhi brgy. captain apan karon councilor sa Brgy. Tutay, Pinamungajan.
Nasuta sa Superbalita Cebu nga operating unit/tracker team sa Aloguinsan MPS ubos sa pagpangulo sa ilang hepe nga si P/Capt. Jose Dante P. Talandron nakakuha og kasayuran nga ang akusado nga brgy. konsehal didto sa Brgy. Poblacion, hinungdan nga ilang gi serve ang warrant of arrest nga sa paglapas niini sa Sec. 11 ug Sec. 12, Art. II, sa Republic Act 9165 nga giisyu ni Judge Judilyn Hugo Tapia-Menchavez, presiding judge sa Family Court Branch 59 sa Regional Trial Court nga nagbase sa Siyudad sa Toledo.
Si Norteza nakapiyansa na og P40,000 sa iyang temporaryo nga kagawasan. / DVG