Nakadesisyon ang Sacramento Kings nga sumpayan ang kontrata ni coach Mike Brown ug mohangtod na kini karong 2026-27 season sa National Basketball Association (NBA). Si Brown, kinsa maoy 2022-23 NBA Coach of the Year, miuyon na niini.
Sa taho sa ESPN, nasayran nga inanay nga isaka ang suweldo ni Brown gikan sa $4 million ngadto $8.5 million matag tuig.
Sa miaging season, naagak ni Brown ang Kings sa playoffs sa labing unang higayon gikan niadtong 2006. Unya sa kasamtangang season, diriyot nahatod og balik ni Brown ang Kings sa playoffs. / AP