Sa pagpadayon og pangita sa New York Knicks og bag-o nga head coach, usa sa mga aplikante ang mipakita daw og impresibo nga performance sa inisyal nga interbiyu, ang beterano nga si Mike Brown.
Base sa report ni Ian Begley sa SNY, ang kanhi Sacramento Kings head coach nga si Mike ang nakakuha og dako nga suporta.
Gihisgutan usab nga sila James Borrego, Taylor Jenkins ug Micah Nori nakapa-interview na alang sa maong posisyon.
Si Brown maoy head coach sa Kings tuig 2022 ngadto 2024, diin nakuha niya ang NBA Coach of the Year award sa 2023 human iyang gidala ang Kings sa ilang unang playoff appearance sukad 2006
Sa pikas bahin, si Jenkins, nga nagdumala sa Memphis Grizzlies gikan sa 2019 hangtod Marso ning tuiga, nakahatag sa team og tulo ka playoff appearances ug nakaabot sa conference semifinals sa 2022. Apil sab sa lista sa kandidato ang assistant coach sa New Orleans Pelicans nga si Borrego. / RSC