Niapil na si Brgy. Ginebra Gin King resident import Justin Brownlee sa praktis sa Gilas Pilipinas ning bag-uhay lang ug tataw ang iyang kahinam human sa taas-taas nga panahon nga wala siya’y aksyon isip usa ka basketbolista.
Mao kini ang labing unang higayon nga nibalik sa korte si Brownlee gikan niadtong Marso 28 human napilde ang Gin Kings pinaagi sa overtime batok sa TNT Tropang 5G sa deciding Game 7 sa PBA 49th Season Commissioner’s Cup Finals series.
Ning maong series, niduwa si Bronwlee bisan adunay piang sa iyang tuo nga kumagko sa kamot.
Niagi na og operasyon si Brownlee ning maong angol.
“Good to be back in the Philippines. Good to be back with the team. I’m doing great,” matod ni Brownlee nga napatik sa www.spin.ph.
“I can work on my thumb. Glad everything went well. The surgery went great. I’m doing good. Good and healthy.”
Ang Gilas nagpahigayon na og praktis matag adlaw alang sa ilang kampanya sa FIBA Asia Cup nga ipahigayon karong Agusto 5-17, sa Jeddah, Saudi Arabia. (ESL)